Það er ekki frá því að maður sakni Baywatch og David Hasselhoff, bara svona vegna skemmtanagildisins. Það var ekkert sem jafnaðist á það í þynnkunni í gamla daga að sitja fyrir framan imbann, flissandi og horfa á stælta kroppa í sundfötum hlaupa um með appelsínugula kúta að leita að fólki til að bjarga.

Ég er búin að vera súperdugleg í dag. Náði að þrífa 15 herbergi, sækja möppuna mína á prentstofunna, skutlast niður á Hóla með möppunna, klára af tryggingarleiðindin, ná í fötin hans Lilla á flugvöllinn, svæfa báða karlanna mína og skila inn greinargerð. Sannkallaðir súperkonutaktar í dag. Á morgun bíða mín 17 herbergi til þrifa og veisla á Hótelinu. Allavega er ljóst að ég þarf ekki að fjárfesta í líkamsræktarkorti á næstunni, hef örugglega misst 5 kíló í dag, enda lítill tími til fæðuöflunar.

Föstudagur til flandurs

Dagurinn á morgun á eftir að vera dýrslegur í alla staði. Í fyrsta og fremsta lagi þarf ég að bruna suður á Hóla með skilaverkefnið mitt, möppuna frægu. Svo þarf ég að fara í Tryggingamiðstöðina til að gera upp óheiðarleika mannsins sem lagði bílnum sínum ólölega og ég rakst utan í hann þegar ég bakkaði út úr löglegu bílastæði, en viti menn hann er í fullum rétti!! svo mikil skemmtilegheit þar! Á flugvöllinn held ég svo að sækja lager af fötum af Lilla sem gleymdust fyrir sunnan. Svo þarf ég að þrífa 8 herbergi á mettíma. Gönguleiðsögubæklingurinn um Keili er svo í algjörum forgangi um kvöldið, þar sem við Þórður höfum skipt milli okkar verkum því staðarlotan á Hólum var í stífari kanntinum enda vorum við hálf rugluð af þreytu þegar kom að uppsetningu bæklingsins. Allavega er nokkuð víst að mér mun ekki leiðast á morgun. Kærar kveðjur úr sveitinni!

Hólar

Þetta er búin að vera talsverð staðarlota enda mikið að gera og kemur maður yfirleitt skríðandi upp í herbergi á kvöldin enda er dagslotan frá 9 - 18 og er maður meira og minna útivið í roki og talsverðum kulda en þó, maður er nú hraustur og á besta aldri og svona, en bara svo óvön að vera svona lengi undir berhimni. Síðustu 2 daga hefur fram umhverfistúlkun og leiðsögn, virkilega gaman. Ég var náttúrlega myndavélalaus en vonandi mun mér hlotnast nokkrar myndir síðar og setja hér inn við fyrsta tækifæri. Á morgun er svo próf í rötun og það er ekki mín sterkasta hlið en sem betur fer verður björgunarsveit á svæðinu svo maður getur jafnvel bara blikkað gæjanna og fengið toppeinkunn, við sjáum hvað setur. En allavega stíf dagskrá á morgun frá 9 - 17 og munu þá aðalgæjarnir mínir sækja mig og þá höldum við litla fjölskyldan suður í dekur og fínheit og innflutningspartý hjá Eddunni minni. Ég segi þessu lokið frá Hólum í dag, yfir og út.

Almenn pirringslosun í vikulok

Brátt líður að staðarlotu á Hólum og er námsefnið akkúrat ekki búin að eiga minn hug þessa daganna, breytingarnar á Hótelinu, þrif og undirbúningur hafa tekið alla orku enda er svakalega gaman að sjá breytingarnar. Kennarinn er búinn að vera að dæla í okkur efni í umhverfistúlkun, rötun, leiðsögn og göngustígagerð og ég er alls ekki komin inn á þessa línu. Kvíði fyrir prófinu í rötun af því ég er sérstaklega áttavillt og léleg í að rata. Eina sem við fáum í prófinu er áttaviti og kort. Þá eigum við að finna út og reikna út leiðina frá punkti A til punktar B ... ég á örugglega eftir að enda einhversstaðar í óbyggðum, ekki nóg með það við verðum að bjarga okkur sjálf, engir hópar eða slíkt. Svo eigum við að vera leiðsögumenn og leiða nemendur í gegnum ferli umhverfistúlkunar, ætli skýjahlaup geti flokkast undir umhverfistúlkun?

Myndavélin mín er biluð!!! 50.000 króna stafræn myndavél entist í 2 ár upp á dag. Það er spurning hvort ekki sé komin markaður fyrir einnota stafrænar myndavélar??? Allavega er ég orðin rosa pirruð á myndavélaleysinu en kallinn í Pedrómyndum ætlar að gera sitt besta! Vona að ég geti farið að taka myndir. Engar myndir til af Keili, síðustu jólum, Spánarferðinni og kannski ekki af Hólum og rötunartilraun minni, össhhhhhh!

Eitt sem pirrar mig meira en venjulega eru umferðarlög okkar íslendinga.. ég vil minna ykkur á eitt og hversu fáránlega sem þetta hljómar þá eru þetta lög vorrar þjóðar:

- Þér eruð óvéfenglega í rétti þegar þér leggið bifreið yðar ólöglega. -

Þegar ykkur vantar sárlega stæði næst þegar þið eruð á síðustu stundu að ná í ÁTVR eða eitthvað álíka fáránlegt fyrirbæri þessarrar þjóðir, leggið bílnum bara einhversstaðar á planinu af því ef það verður keyrt utan í bílinn þinn kyrrstæðann ertu í 100% rétti. Til hvers er verið að eyða peningum okkar í að merkja bílastæði ef það skiptir ekki máli hvar maður leggur bílum????

faustinovínkynningin er á enda

Jæja.. mín er búin að drekka óhóflegt magn af rauðvíni og þegar maður hefur innbyrgt svo mikið af rauðvíni er erfitt aqð sofna... maginn minn þolir þetta ekki! Í fyrsta skipti á ævinni drakk ég vín sem er eldra en ég, Faustino 1. 1970, og meira að segja vín sem er jafngamalt og Jonni, nema Jonni var aðeins betri hahhaha... ok ég veit ekki fyndið! Úff ég kvíði fyrir að vakana á morgun og á örugglega ekki eftir að ver hress í hreingernigunum en... svona er að vera hótelstarfsmaður á vínkynningum.. Lengi lifi Faustino 1.!

Stjörnustríð

Konan með vasaljósin kemur í næstu viku og gegnumlýsir allt ryk og allan skít og metur síðan öll herbergi og ákveður hversu margar stjörnur hótelið fær á mælikvarðanum 1 - 5. Ég tippa á 3 stjörnur eftir að ég er búinn að þrífa allt sem hefur legið á hakanum síðan í sumar. Næstu dagar fara í það og er ég fegin að komast í smá púl og frí frá lesefninu þó að ég megi engann vegin við því að leggja bækurnar frá mér... en svona er að vera hótelstarfsmaður í skóla. Mér hlakkar ekkert smá til sumarsins. Að taka á móti ferðamönnum og vinna. Ég elska að vinna! Á morgun fer ég og hitti sukkklúbbinn aftur frá því um síðustu helgi á Karólínu... vona að vínsmökkunin nái ekki yfir jafnmargar sortir og um síðustu helgi. Lengi lifi Torres!!!

Ískeila og Stroh

Einhverntíma er allt fyrst og þessi helgi snérist fyrst og fremst um það. Ísgolf, ískeila, handbolti á ís, krikket á ís, go-kart á ís, limbó á ís, dottið á ís (ís með dýfu) og kakó með Stroh sem er það besta í heimi í kaffidrykkjum mmmmmmmm....
Við fórum semsagt með helstu sukkurum Norðurlands til Mývatns og átti ferðin að snúast um vínsmökkun og kaffidrykkjasmökkun en endaði í ísleikjum,ofdrykkju og útbúningi fyrirsagna sem engin mun fatta sem ekki var á svæðinu enda þarf maður að vera ílla drukkinn til að geta búið til fyrirsagnir sem hitta beint í mark. Ég hvet alla að tala við hann Yngva í Seli hótel Mývatni og fá að taka þátt í ískúnstum hvers konar, éta góðan mat og smakka vín og skemmta sér í skemmtilegu umhverfi.

Vandræðalegt
Ég veit að þetta hljómar fáránlega en, vinarhópurinn okkar fór út að borða um helgina og einn tvífari Justins Timberlake var í hópnum. Eins og allir vita er ég einlægur aðdáandi Justins og þá sérstaklega vegna útlitsins. Maðurinn var alveg eins og Justin og meira að segja taktarnir og röddin var eins. Maður var alltaf að glápa eitthvað!!! Mjög vandræðalegt svo ekki sé meira sagt.

Ofmetin Akureyri II edition

Eftir að hafa búið í 4 ár á Akureyri má segja að aðlögun mín við Akureyri sé enn ekki lokið. Það er margt hér ansi spánskt fyrir sjónum manneskju sem er fædd og uppalin í Reykjavíkinni, capitalé Islandia.
Annað hvort á fólk eftir að hata mig eða elska eftir þessa færslu, sjáum til...

Greifapizza
Hef aldrei skilið hvað er svona geggjað við Greifapizzu. "Bestu pizzur í heimi" segja Norðanmenn. Þessar pizzur eru hvorki góðar né vondar. Annað hvort eru Akureyringar bragðlaukablindir, trúír sínum heimamönnum eða hafa ekki smakkað margar pizzur í heiminum. Ég ráðlegg Akureyringum nær og fjær að leggja leið sína á Eldsmiðjupizzu eða Pizza di´Oliver á Ítalíu, þá vita allir hvað ég meina.

Brynjuís
"Besti ís í heimi" fyrir smekk Akureyringa. Í sannleika sagt hef ég gefið Brynjuís 7 tækifæri og ég verð bara að segja að Álfheimaísinn er ekkert verri!

Rúnturinn
Ein blóðugasta sjón á Akureyri. Allir á stífbónuðum köggunum að rúnta sama hringinn (í kringum fimm hús), flautandi, gefandi í, með Skítamóral í botni í útvarpstækjunum og étandi Brynjuís. HVAÐ ER AÐ!!! Það er ekki eins og það séu ekki kaffihús, videóleigur eða bíó á svæðinu!? Get lives u people.

Klíkurnar
Akureyringar eru ekki svo frábrugðir Thaílendingum, hópast saman í einhverjum gengjum sem fáir útvaldir komast í tæri við. "Sportgengið", "Fráskildu eiginkonugengið", "djammgengið", "Kjarnaskógargengið", "Greifagengið" o.s.frv. Það er eins og það þurfi að minna þetta fólk á að Akureyri sé hluti af Íslandi og allir í skóginum eigi að vera vinir.

Sjallinn
Sjúskaðasti skemmtistaður á Íslandi. 7 kvennasalerni, stífluð, klósettpappírlaus, án læsingu, útæld eða útskitin. Ég veit ekki hvernig stelpur sem djamma á sjallanum fara að því að skvetta úr skvísunum?? Annars er þessi staður mjög hentugur fyrir fólk sem hefur gaman að skemmta sér með fólki 18 ára og yngri, bara muna eftir að birgja sig upp af pampers.

Bílarnir
Akureyringar líta á bílanna sína sem gæludýr. Ef þú ert á leið inn í bæinn á skítugum bíl verður þú pottþétt litinn hornauga. Hvort sem þú ert á Fiat Uno eða Bmw, farðu á fyrstu þvotta/bensínstöð sem þú sérð og þvoðu bílinn, ekki bara þvo, heldur tjöruhreinsa, sápubóna, pússa stuðara, glugga og felgur og síðast en ekki síst splæstu ylmspjald á spegilinn þá ertu alveg "save".

Ég vil taka fram að þrátt fyrir þessa dökku bletti eru ýmsir jákvæðir punktar við Akureyri m.a. þá eru flestir Akureyringar alveg fínir, náttúran er virkilega falleg, bókasafnið er gott, Friðrik V er bestur, sundlaugin þægileg, skemmtileg skautahöll, fín kaffihús (þó að djammið sé afleitt) og öll rólegheitin kærkomin.

Fjallagrös og fílabein

Loksins er ég komin með áhugamál eftir 30 ára lífsleið. Keilir var ólýsanlegur í alla staði og þessarri göngu mun ég seint gleyma. Við fengum allar tegundir af íslensku veðri, rigningu, snjó, slyddu, sól, þoku, skýjun, logn og rok. Það var eins og maður hafi komist í einhverja vímu þegar maður náði toppnum... og svo rúlluðum við hálfpartinn niður í algjöru hláturskasti. Ég fann 2 hjartalaga steina sem ég gaf hjörtunum mínum hér heima (smá væmið, en samt...!) Núna er allavega 1 fjall komið á listann og fleiri munu fylgja í kjölfarið, that´s a promise! Aint no mountain high enough....

Höfuðborgaferð n° 2

Nú er komið að því! Gangan á Keili fer fram á laugadaginn, ég er nú orðin smá stressuð, enda þolið ekki alveg upp á sitt besta núna!!! Lífstíllinn hjá minni hefur þó breyst til muna, hætt að reykja og drekka kaffi & gos og nú labbar maður bara og hreyfir sig eins og fólk gerir... enda finnur maður spikið renna af sér og mun hreinni andardrátt. Það er náttúrlega allt klikkað í skólanum. Var að koma frá bókasafninu þar sem allt fólkið er farið að þekkja mann og flestir þar vita að ég er að læra ferðamálafræði því ég geri ekki annað en að spyrja og trufla starfsfólkið þarna, en í dag var ég að leita að sögubókum og gömlum þjóðsögum fyrir Keilisverkefnið og starfskonan sem ég talaði við spurði hvort ég væri hætt í ferðamálafræði og byrjuð í sögu?! Fólkið á bókasafninu er sko minnugt og með munninn fyrir neðan nefið þegar það kemur að upplýsingaöflun. Amtbókasafnið er best, svona eins og annað heimili!

Nú er komið að höfuðborgarferðinni og er mikið búið að hlakka til ferðarinnar enda skólinn búinn að taka sinn toll undanfarnar 2 vikur. Thunder-partý hjá okkur Sys sem klikka sjaldan (þau klikka aðallega ef við höldum þau fyrir norðan, I wonder why...!) Mr. Jones ætlar með og svo að sjálfsögðu Lilli sem heldur stuðinu uppi á leiðinni í bílnum með sína útgáfu af Krummi svaf í klettagjá og öðrum ferskum og frísklegum lögum. Ætli Svanur sé að vinna á Kaffibarnum? Ég er búin að hanna nýjan drykk sem fæst á Kaffibarnum og heitir "pot í auga" og fæst hann á hálfvirði... mæli með honum. Bona petit!!

Spiderman er flottastur!!!

Nostalgía
Eins og flestir sem til mín þekkja vita að ég er algjör alæta á tónlist og hlusta ég því stundum á Létt 96,7 og það er skemmst frá því að segja að rétt í þessu hlaut ég 15 mínútna nostalsíuvímu, þar sem 4 lög voru spiluð í röð sem minntu mig á gamla tíma sem innihéldu gömul vandamál, ástarsorgir o.þ.h. Ég brosti út í annað og fann hversu lítilvægleg þessi vandamál myndu virðast í sömu sporum í dag... sem þýðir aðeins eitt... ég er orðin gömul og þroskuð sál, gott mál!

Fordómar og Steluþjófar...
Ég verð að viðurkenna að eftir að tölvunni minni og peningaveski var stolið á Spáni hef ég gríðarlega fordóma gagnvart ólöglegum innflytjendum Marokkóbúa á Spáni. Tölvunni minni er saknað sárt og er það ástæðan fyrir því að allar mínar myndir og skólaverkefni eru glötuð FOREVER.... Kúkalabbar!!!

Svart og sykurlaust

Er ekki alveg að höndla myrkrið, dauðsé eftir því að hafa farið frá Spáni. Ef einhver veit um lampa á góðum prís fyrir mig svo ég geti lýst upp sveitina mína látið mig vita hið fyrsta svo ég flytji ekki til Spánar fyrir næsta janúar.
Jonni minn farinn til Spánar í viku, svo eina ljósið í sveitinni er hann Lilli minn sem er náttúrlega algjört ljós. Við ætlum að hafa dekurkvöld í kvöld og kveikja á kertum, borða popp og horfa á Idolið... gott plan fyrir svartsjáandi sveitakellingu og lítið ljós.

Hola senjores y senjoritas!

Það er aldeilis skemmtilegt á Spáni og jólin mun afslappaðri en á Klakanum. Á Aðfangadag var maður bara í Elche að skoða skó og borða Tapas í afslöppuðu andrúmslofti og svo borðuðum við seinna um kvöldið hjá Palla op Yolu, Calla mares, snigla, lambakjet og paellas. Saknaði svolítið rauðvínssósunni hans pabba en þetta var samt besta mál því mikið rauðvín var í boði. Veitingastaðurinn hans Antonio Banderas er svo áfangastaður eftir áramót enda ekki svo auðvelt að komast að á stjörnustöðunum hér úti. Á jóladag fórum við svo í svaka veislu hjá eigendum Puma hér á Spáni og það var mikil upplifun... Þvílík villa, þjónar, öryggisverðir, stór sundlaug og 2 skemmtistaðir inn á heimilinu! Mjög gaman að vera prinsessa eitt kvöld. Núna liggur leiðin til Elche í pumabúðina góðu og þar verður verslað!!!

Feliz Navidad öllsömul og hafið það gott í kuldanum (muy frio Islandia)

Senjorita Gugga Cortes.

sól og jól

Það eru 4 dagar í Spán og mikið hlakkar mér til að losna úr þessu gráa og grugguga umhverfi og komast í hlýtt og skemmtilegt loftslag. Ég skal veðja að ég á eftir að flytja til Spánar og læra spænsku og að dansa Flamingodans eftir nokkur ár.... sundlaug í garðinum, Siesta og Fiesta, sandurinn og ströndin, allt ódýrt, tapas, skemmtilegt fólk og engir íslendingar, nema þeim sem ég vil bjóða til mín. Gæti lífið verið betra??

Ég kveð skólann minn með söknuði og þakklæti, prófin eru á enda! Síðasta prófið var erfitt... enda tölvan að stríða mér. 2 kennarar í skólanum eru búnir að veita mér áfallahjálp, af því ég hélt að svörin mín hefðu ekki skilað sér sem skildi. Missti hálftíma af próftímanum í stríði við tölvuna. Hræðilega stressandi! En ég er fegin að vera búin og tími til komin að njóta jólanna. 7 dagar í afmæli Sys og 8 dagar í ferðina til Spánar, jeiiii!!!

Jóla-skóla-jól

Þessi jól eru farin að snúast alltof mikið um skólann. Próflærdómur og lestur heilu bókanna, blöðrur á fingrum eftir mikla glósutíð og slabb og slen. Ég hlakka svoooo til að geta leyft mér að komast í alvöru jólaskap, þó ég sé búin að stelast til að skrifa nokkur jólakort, spila og syngja jólalög, og pakka inn fáeinum pökkum. Ég er ótrúlegur jólaálfur og ætla sko að setja skóinn út í glugga á sunnudaginn og ath, hvort gamli, góði Stekkjastaur muni ekki örugglega eftir mér í próftíðinni...
Eftir próf á mánudaginn verður sko brunað til Akureyrar og fengið sér jólastemmingu beint í æð. Svo að sjálfsögðu fer jólastuðið ekki fram hjá manni þegar maður lítur við suður á föstudaginn næsta og kíkir á kaffibarinn í smá jólaglögg, skál fyrir því!

Flugvöllinn burt!




Ég var að ræða við kollega minn um staðsetningu innanlandsflugvallarins, við erum á andverðri skoðun og mér er heitt í hamsi og við erum bæði jafn sannfærð okkari skoðun, en það sem meira er, það er svo erfitt að rökræða og rífast í gegnum tölvu. Ég vildi stundum að ég ætti boxpúða!

Umhverfið og ég
Próf í Umhverfisfræði á morgun og ég er byrjuð að fá prófhroll. Varúðarreglur, Staðardagskrá 21, Mengunarbótareglan, Nytjagreiðslureglan og Rovanemi yfirlýsingin eru í mínum huga þessa stundina og kemst ekki annað að ... nema kannski að flokka mjólkurfernur og sorpúrgang.

Spánn eftir 13 daga!!!!!

Ég er hálfnuð með umhverfisstjórnunarritgerðina mína og hún er GóÐ svo ég segi sjálf frá!!! hún bara verður að vera góð. Annars vildi ég bara segja Britney er best!!


Ég vil svo hvetja ykkur tvær sem lesa bloggið mitt að hjálpa mér með MSNið er alveg búin að klúðra nýju uppsetningunni!!!

..hvort sem þið trúið því eða ekki þá er Kambódía og Víetnam orðnir vinsælir áfangastaðir ferðamanna!

Rafmagnstækin stela jólunum

Ryksugan mín sprakk í morgun. Það kviknaði í sjónvarpinu fyrir síðustu jól. Ísskápurinn minn er byrjaður að emja (sérstaklega að næturlagi). Það sprungu 2 perur í gær, báðar inn á baðherbergi! Útijólaljósaserían ætlaði að stinga af í rokinu í gærkvöldi.

Blautir draumar...

Í nótt dreymdi ég að ég væri að leika í kókauglýsingu sem súmóglímukappi, en í rauninni í draumnum var ég spiiiikfeitur kínverskur súmóglímukappi og fékk mér fullt af girnilegum kínverskum mat(vorrúllum, núðlum, kjúkling, rækjur o.fl o.fl.). Það var rosalega erfitt að borða og ég náði ekki einu sinni að halda á prjónunum af því puttarnir voru svo feitir að ég skóflaði bara upp í mig hrísgrjónum með lúkunum og drekk kók með... en það var verst þegar að súmóglímunni kom þá þurfti ég að fara í svona g-streng eins og þessir vesalings menn eru í og hann var svo þröngur að hann hvarf eiginlega bara inn í skinnið..... hver myndi annars vilja láta súmóglímukappa leika í kókauglýsingu!!!!

Ráðning draums: Guggan er hætt að drekka kók og borða chinise... það er fitandi!

Ég og Mr. Jones alveg að missa okkur í tjúttinu, síðustu helgi.(fleiri myndir á myndasíðu!)

HAAAHHHAAAA!!!

Íþróttaálfur

Þú ert vanaföst, yfirveguð félagsvera.


Arnold Schwarzenegger er vanaföst, yfirveguð félagsvera. Það er því ekki leiðum að líkjast. Íþróttaálfurinn býr sko ekki í Latabæ (LazyTown ^TM). Hann tekur til fótanna, án þess að vera að missa af strætó og þótt enginn sé að elta hann. Hann er hrókur alls fagnaðar í heita pottinum og er jafnvígur í flugsundi og að troða marvaða. Rétt eins og Tortímandinn er íþróttaálfurinn marksækinn og staðfastur. Ekkert fær hann stöðvað.



"Áfram Latibær, I'll be back!"



Hvaða tröll ert þú?

AFTUR KLUKK!

núverandi tími: 20.25


núverandi föt: Íþróttabuxur og bolur (lærdómsfötin)
núverandi skap: Þreytt og stressuð fyrir skýrsluskil!
núverandi hár: Úfið


núverandi pirringur: Allt of mikið að gera
núverandi lykt: Lagsana lykt frá kvöldmatinum
núverandi hlutur sem þú ættir að vera að gera: Læra


núverandi skartgripir: Engir, er í skartgripabanni!
núverandi áhyggja: Skýrsluskil á sunnudaginn

núverandi löngun: hvíld og afslöppun
núverandi ósk: Að jólin fari að koma, helst strax!
núverandi farði: Allsenginn


núverandi eftirsjá: Engin


núverandi vonbrigði: Allir vinir mínir eru að skilja eða nú þegar búnir að skilja
núverandi skemmtun: Strákarnir mínir
núverandi ást: Strákarnir mínir og fjölskyldan
núverandi staður: Eldhúsið
núverandi bók: Lestrarefni skólans, ekkert annað kemst fyrir
núverandi bíómynd: Engin.
núverandi íþrótt: Aðallega bara hlaup fram og til baka
núverandi tónlist: Hjálmar
núverandi lag á heilanum: "Ryksugan á fullu étur alla drullu trallalallalalla..."
núverandi blótsyrði: "eldur og brennisteinn!!"


núverandi msn manneskjur: Kristjón frændi... en hann er "away", annars frekar fámennt
núverandi áætlanir fyrir kvöldið: Klára að læra, fara í sjóðandi heitt bað og knúsa lillann minn
núverandi manneskja sem ég er að forðast: Engin.


núverandi desktop mynd: Frost
núverandi dót á veggnum: Myndir.

Ég klukka Sys allavega 7 sinnum!!!.. og þig sem lest þetta, já og þig!

Ég var 7x7 klukkuð af SYS, ... á eftir að launa henni lambið gráa

1. Sjö hlutir sem ég vil gera áður en ég dey:

1.)Fara á alvöru Flamingo-bar
2.)Læra að dansa flamingodans við Mr.Jones
3.)Læra lýtalausa spænsku
4.)Eignast fleiri börn
5.)Verða amma, helst líka langamma
6.)Ferðast til Kína
7.)Fara í brúðkaupsferð með Mr.Jones.

2. Sjö hlutir sem ég get:

1.)Legið í baði í 2 klukkutíma
2.)Bakað súkkulaðiköku
3.)Pissað standandi með hjálpartæki
4.)Teiknað traktór
5.)Búið til snjókalla á mettíma
6.)Drukkið án þess að finna á mér
7.)Borðað hrísgrjón með karrýsósu í öll mál

3. Sjö hlutir sem ég get ekki:

1.)Farið á fætur við fyrsta hanagal
2.)Verið í návígi við hunangsflugu
3.)Haldið ræðu
4.)Logið
5.)Sungið
6.)Horft á hryllingsmyndir
7.)Lært að spila á hljóðfæri

4. Sjö hlutir sem heilla mig við karlkynið:

1.)Mr. Jones
2.)Augu
3.)Mr.Jones
4.)Hendur
5.)Mr.Jones
6.)Bringuhár
7.)Mr.Jones

5. Sjö frægir sem heilla:

1.)Mr. Jones
2.)Jude Law
3.)Johnny Deep
4.)Chris Martin
5.)Justin T.
6.)Sean Connery
7.)Antonio Banderas

6. Sjö setningar eða orð sem ég segi alltaf:

1.)obbosí
2.)sorrý
3.)ó ó
4.)sjip og hoj
5.)nákvæmlega
6.)á kristaltæru
7.)svínvirkar

7. Sjö hlutir sem ég sé einmitt núna:

1.)Smint
2.)Tóm bjórdós
3.)Rok og rigningu
4.)Miðilsþáttur í sjónvarpinu
5.)DVD diskur frá lilla "Gauragangur í sveitinni"
6.)sími
7.)rassinn á Jonna.

Vá þetta tók á, næsti pistill kemur seinna, ekki meira klukk og kitl. Takk!

Vika í viðjum lesturs.

Ég skal sko segja ykkur það að þessi vika er um leið búin að vera hrútleiðileg en í senn fjörug og frískandi:

AFREK VIKUNAR: Lestur 2 bóka, Tourism planning og The developement of sustainable tourism in Europe.

MISTÖK VIKUNAR: Spagetti eldamennska mín á stundum engin mörk, ætlaði að elda fyrir 10 manns en eldaði fyrir um 50 manns. Spagetti í boði fyrir svangalanga!

SETNING VIKUNAR:"..Drýpur af hvers mannsrassi!"

STAÐUR VIKUNAR: Eldhúsborðið

FATNAÐUR VIKUNAR: Gráar slitnar íþróttabuxur, fjólublár hlýrabolur og ullatátiljur prjónaðar af nöfnu minni (gamli góði próffiðringurinn!)

MAÐUR VIKUNAR: Lars Aronson umhverfisfræðingur og rithöfundur sem fer yfir mörkin í umhverfisverndun og vill að við skríðum aftur inn í torfkofanna okkur, hip kall!

KONA VIKUNAR: Mamma mín, sem er hinn mesti pólitíkus og ætti löngu að vera komin inn á þing, frábær hún mamma!!

KAKA VIKUNAR: ArkítektaKakan hennar Sys svíkur engann, flottasta kaka til þessa, kíkið á hana

Hér með er pistill vikunar kominn á framfæri, klukkan er gengin 17 mínútur yfir 12 og kominn tími á svefn, lifið heil!

Ó borg mín borg...

Reykjavík skartaði sínu fegursta enda fékk ég allar útgáfur af Reykjavíkurveðri, sól og kulda, snjóbil og hálku, rok og rigningu, slyddu og saltsnjó og smá sýnishorn af hlýju. Ferðamálarástefnan var fín, fyrirlestrar með Hannes Smárasyni FL- group kóngi, Tinnu Gunnlaugsdóttur þjóðleikhúsdrottningu, Maikke Eckhlen ferðafrömuði, Stebba stuð og fl. Drakk 5 kaffibolla um morguninn og fékk nett koffínsjokk í byrjun fundarins með skjálfta, gnýstun tanna og yfirliðstilfinningu, en allt fór þetta á besta veg og er ég ánægð með þessa ráðstefnu og ekki síður er ég ánægð með Reykjavíkurnætur sem heppnuðust vel, þrátt fyrir mikla drykkju. Sunnudagurinn lagðist bara vel í mig enda "Bæjarinsbesta-pylsa" og kókómjólk fyrir svefninn besti þynnkubani í heimi. Var samt sæl að komast aftur norður enda nóg að gera í skólanum og á Hótelinu. Lilli minn var kampakátur að hitta múttuna sína þó karlakvöldin hjá þeim feðgum hafi engan svikið.

Your French Name is:

Vedette St. Amour

What's Your French Name?

You Should Learn French

C'est super! You appreciate the finer things in life... wine, art, cheese, love affairs. You are definitely a Parisian at heart. You just need your tongue to catch up...

What Language Should You Learn?

Ég er komin frá RVK...eldsmiðjupizza...nokkrir öllarar á Oliver..Kvef með Syssuni minni...húsdýragarðurinn...djúsboð hjá Eddunni...Slátur hjá múttu...Verslunarferð í Kringluna o.fl o.fl. Og það sem meira er þá fer ég aftur til RVK á miðvikudaginn og þá er dagskráin aðeins öðruvísi...ferðamálaráðstefna...öl,öl og öl og djamm, djamm og djamm. Sjáumst djammfylkingar Reykjavíkur!!!

Allt í einu er lítill jólanörd komin í mig, mig langar að hlusta á "snjókorn falla" og "Jólin koma" og föndra jólasveina og engla, kveikja á jólailmkerti og baka piparkökur... bara svona til að vera snemma í þessu :} Enda ekki nema 77 dagar til jóla!

I´m just about to loose my mind...
where is my mind?
where is my mind?

... á bókasafninu

Óskalisti Guggunar:

1. 5000 GB minni sem virkar í 75 módel af stúlkukind sem gleymir öllu!
2. Vísindamann sem kann að klóna : 1 mömmu, 1 námsmann, 1 foreldrafélagsmeðlim, 1
bakara, 1 vinnukonu, 1 vinkonu og 1 eiginkonu af mér.
3. Allavega 15 klst. aukalega í sólarhringinn.
4. Frí til Hawaii í 18 vikur
5. Svefn í 8 klst.
6. Yogatíma og bongótrommur
7. Snjó
8. Gallabuxur með frönskum rennilás
9. Grifflur
10.DuranDuran tónleikar

...abradaaagabradaa!!

TIL HAMINGJU MEÐ AFMÆLIÐ FRIDA!

Af því hún frida er búin að blása sig út á mínu eigin bloggi, ætla ég að láta eina sanna sögu fylgja hér sem er afmælisgjöf til fridu frá mér... muhahhaha!

Frida er mikil djammdrottning og finnst afar gaman að fá sér í glas í góðra vina hópi (eins og flestir). Frida á það samt til að vera einum of ágeng ef réttir drykkir og hvað þá réttir karlmenn eru fyrir hendi. Eitt sinn á ónefndum skemmtistað fékk frida 3 staup af eplasnafsi í verðlaun í drykkjukeppni á ónefndum skemmtistað í reykjavík. Frida var orðin svolítið völt í annann fótinn og vildi endilega deila þessu með mér, ég afþakkaði því eplasnafs er ekki minn drykkur. Frida vildi nú ekki líta út eins og algjör aumingi og hrúgaði í sig snöfsunum og ekki vildi betur til en hún fékk einhverja klígju og frussaði þessu út úr sér og yfir toppinn sinn. Ég sá bara fyrir mér skemmtilegt kvöld á enda þar sem hún gat ekki verið í eplasnafsbolinum á tjúttinu en mín gerði sér lítið fyrir og fór úr honum og lyfti pilsinu upp fyrir brjóst og var í hlýralausum og MJÖG stuttum kjól allt kvöldið. En þetta virkaði vel því hún fór heim með 2 fyrrverandi kærustum þetta kvöld, hvað gerðist meira veit ég ekki!!! En hver er gliðran aftur?

Ef að þið sjáið ógreidda manneskju með opna buxnaklauf upp á bókasafni, að lesa vistfræði... þá er það ég!

"uno positivo, nada negativo"

Jæja þá er maður komin heim á klakann og verkefnin hrynja yfir mann í skólanum. Ég náði að gera 2 ritgerðir á tveimur dögum og skila þeim á réttum tíma, án gríns var þetta erfitt og neikvæðir straumar gerðu mér erfitt fyrir.
Á Spáni var auðvitað meiriháttar, maturinn þar er ólýsanlegur og ég borðaði a.m.k 4 sinnum á dag og drakk að sjálfsögðu mikinn cervesa, þannig að mín þarf að fara að gera eitthvað í bumbumálunum. Annars er ég búin að búa upp á bókasafni s.l 2 daga, fólkið þar er farið að finna til samkenndar með mér og heldur líklega að ég sé að skrifa rannsóknarritgerð um sögu síðustu 20 alda eða svo... vesalings stúlkan!!
En þetta er samt dúndur gaman og ekki hægt að segja að mér leiðist á meðan.
Lillinn minn sagði að mamma væri lúin, börn eru ótrúlega næm.
Til hamingju með afmælið á morgun Fríða mín, ég er svo hrædd um að ég gleymi því á morgun... velkomin í kellingaklúbbinn ;)
Adios,
Guggan.

¡hola, señores y señoritas!

España es mucho gusto. Helados y sangrias viva playas ole pan la aliole ser moles trabja y solo sales. Viva muchos perros y valados piña y cortado. Niño es la facilite y latino calares con salido. Muchos feliz y gracias. ¿Como se llama? Trancilo es muy bien.

¡Viva España!

Astala viego, Señorita Gugga

Litla myndasíðan er komin, ykkur til gagns og gamans!! Sumt kemur seint.... en kemur þó :)

Feitur fyrirlestur
Án gríns... gekk ég í gegnum eld og brennistein í morgun. Í mínum augum er það að halda fyrirlestur fyrir 40 óþekkt andlit. Ég þóttist vera vel undirbúin enda var að læra og undirbúa herlegheitin til 2 síðustu nótt. Þetta var AuLahRoLluR út í eitt. Þurrkur í munni, málstífla og þar að auki gleymdi ég að kynna sjálfa mig og hálfa rannsóknarritgerðina sem ég hyggst skila í lok september. Ég hef aldrei áður fengið jafn mikinn svima og ógleði yfir sjálfri mér en sem betur fer var fólk þarna í svipuðum sporum og ég, þannig að maður átti nokkra að :]
Eftir þessa meðferð fengum við hópefli sem er námskeið í hvernig hægt er að kynnast fólki á mjög skjótann hátt og það gekk alveg eftir uppskriftinni ég kynntist 4 yndislegum sálum sem er s.s hópurinn minn frábæri og reyndar er allt fólkið hérna alveg súperfínt.
Klukkan 1700 var svo skólasetning hérna á Hólum og staðarleiðsögn sem ég hefði ekki viljað missa af. Þessi staður er magnaður; náttúran, skógurinn, húsin, minjarnar, kirkjan, kirkjugaðurinn hefur meira að segja þvílíkan sjarma. Ég hef einmitt útsýni úr herberginu mínu út að kirkjugarðinum, það er ólýsanlega flott. Ég tek kannski mynd af því og set inn á langþreyttu væntanlegu myndasíðuna sem ég er alltaf að tala um og geri ekkert í!
Annars er alveg magnaðasta við þennann stað er að maður sefur svoooo vel hérna að ég er að hugsa um að skríða uppí og hvíla mig til 800 í fyrramálið, góða nótt litlu kríli!

Hólar

Jæja gott fólk þá er maður kominn í Hjaltardalinn á Hóla og hér eru enginn vettlingatök, manni er bókstaflega kastað út í hina dýpstu laug og verði manni að góðu. En þó ekki í alslæmri meiningu sjáið til því þetta er jú allt lærdómur og harka út í eitt. Alltaf gaman á Hólum :)

Staffapartýið var haldið í gær og þar var gleði og gaman. Ferðin hófst með Hvalaskoðun þar sem allir voru að leita að hvölum en þó með sultarkvalir því enginn hafði borðað almennilega og ferðin tók sinn tíma, 2 tímar takk fyrir í kulda og sulti. En Salka tók við sem er svolítið freaky veitingastaður, vond sósa og léleg þjónusta. Svo var maður hitaður upp í Jarðböðunum í Mývatnssveit og eftir það tók við snakk, singstar og mismiklir drykkir á hvern kjaft. Þvílíkar djammdrottningar þessar skvísur sem hafa verið að vinna hjá okkur. Heiða mín og Eydís mín, þið voruð ekki öfundsverðar í morgun en þvílíkt gaman í gær!! Takk fyrir frábært kvöld!
Leibbi og Helena áttu einnig góða spretti og mér hlakkar ekkert smá til brúðkaupsins :) Adda SingStar átti góðan söng og sigraði held ég alla hvort sem um var að ræða Marilyn Manson eða Westlife. Þetta var dúndurgaman.

Jæja núna verð ég að fara að stappa í mig stálinu og fara að læra fyrir morgundaginn, af því ég á að vera með 3 mín. ræðu um verkefnið mitt fyrir 20 manna bekk, OMG!!!
Gugga´s out.

Fjallgönguskór og frístundavarasalvi

Ég fór í bæjarferð í dag, aldrei þessu vant keypti ég 2 hluti sem ég hef aldrei keypt áður:
1)fjallgönguskó sem ég verð að eiga fyrir skólann minn sem hefst á mánudaginn JEIIII! Ég var álíka græn á að versla svona skó eins og ég væri ef ég þyrfti að versla smokk! Kallinn sem afgreiddi mig lét mig máta fullt af allskonar furðulegum skóm sem mér fannst allir jafn ljótir. En svo endaði ég á að kaupa mér eina sem voru svona í dömulegri kantinum en samt engir Manolos. En það á víst að vera hægt að ganga fjöll og fyrnindi í þessum bomsum og það er víst það sem máli skiptir. Kallinn byrjaði svo upp úr þurru að tala um vaselin.... ég bað hann vinsamlega um að endurtaka allt í sambandi við vaselinið þar sem ég var upptekin af nýju dömulegu fjallgönguskónum og þá á það víst að vera þjóðráð ef maður er staddur einhversstaðar upp á fjalli að bera á skóna vaselín ef maður gleymir rándýru fjallaskóolíunni heima, en hvað ætti maður eiginlega að vera að gera upp á fjalli með vaselinkrukku?
2)frístundavarasalvi!! Málið er að ég er búin að þjást af varaþurrki frá því ég man eftir mér og ætlaði nú ærlega að kaupa einhvern háþróaðan geimvarasalva sem myndi gera einhver kraftaverk. Konan í apótekinu mældi með frístundavarasalva, svo núna maka ég á mig frístundavarasalva í frístundum!!

Systir mín er hætt að blogga í augnablikinu og hefur ekki bloggað neitt í allt sumar, fúlt!! Hún á alveg snilldar gullkorn þar inni og hafur ýmislegt til málanna að leggja... vona að hún fari að blogga, kellingin!!
Eitt uppáhaldsbloggið mitt þessa stundina er Eplamaukið hennar Heiðu, kíkið endilega á það enda skemmtileg stelpa þar á ferð.


Ég verð að setja upp myndasíðu!!!

Hvernig er hægt að vera tæknilega frískur, en með hor í nefinu og mæta ekki í vinnu???

Loco poco

Þættirnir um Medici ættina frá Flórens er að valda mér vonbrigðum eins og allt sem ríkissjónvarpið hefur fram að færa.

Mrs. Robinson er komin á klakann

Í dag var ég einkaguide Yolöndu um Norðurland, fórum við m.a. á Goðafoss eða "Góðafoss" eins og Yola vildi kalla hann og átum piparpúka og harðfisk, svo fórum við og týndum fífur sem Yolu fannst mjög falleg blóm (það þarf ekki stóra hluti til að gleðja túristahjarta). Við pissuðum út í guðsgrænni náttúrunni (kamarinn sem við ætluðum á var ólýsandi ógeðslegur)og að lokum týndum við ber, þegar berjatýnslan hófst og berin hurfu hvert af öðru ofan í mig, horfði Yola á mig og sagði alvarlega - I hope no one have pissed on them -! og ég náttúrlega skellihló eins og alvöru víkingur sem hafði aldrei gert annað en að drekka piss og éta kjamma.



Cammie vinkona mín er mætt á landið án Justins, skiljanlega, hún veit líklega hvernig íslenski kvenpeningurinn lætur í hvert skipti sem glamúrgæi frá Hollywood stígur fæti á klakann. Vona bara að skvísan líti við hjá mér!!

Ég mæli með að allir prófi að borða piparpúka og drekka bjór með!!! þá kemur afar spes bragð ;)

Djö... getur sumt fólk verið leiðilegt!!

Ég er sem betur fer afar lánsöm og þekki eiginlega undantekningalaust bara skemmtilegar og góðar sálir... en það vill stundum til að það gægist leiðilegt, vanþakklátt og biturt fólk inn um gluggann hjá manni og sem betur fer þarf maður ekki að hleypa því inn og oftast stoppar þetta fólk stutt við hjá manni á lífsleiðinni hvort sem það eru kunningjar, skólafélagar, vinnufélagar eða bara hreinlega bláókunnugt fólk. Ég er sem betur fer núna laus við allar þessar bitru og döpru sálir =)

Dagar Nætur Ár




LJÓN 23. júlí - 22. ágúst
Annríkið er sannarlega mikið hjá ljóninu. Verslun og viðskipti, málaleitanir og samningar ganga vel í dag. Þú ert í banastuði.

Þetta er nokkuð skemmtileg stjörnuspá og á bara nokkuð vel við mig fyrir daginn í dag:

Annríki já vinna: 10 - 24 í gær, 6 - 12 í dag og það var barasta banastuð í vinnunni.

Verslun og viðskipti: Keypti 2 spúna á verði 1 og veiðileyfi á góðum prís.

Málaleitnanir og samningar: Samdi við Leibba að fá lánaðan bílinn hans fyrir bensíni á bílinn.

Stuð: :D

Ísland - aftur til fortíðar

Ef bensínið hættir ekki að hækka... verðum við komin á hross eftir 10 ár!

Ef Rúv hættir ekki að ræna af okkur peningum og sýna leiðilega dagskrá eins og hestaíþróttir og fótbolta á hverju kvöldi hættir fólk að horfa á sjónvarp og grípur til gömlu skruddunar og fer loks að lesa.

Súrmatur er inn!

Lopapeysur og skinnklæði eru að tröllríða landanum og teygir anganna út í hinn stóra heim.

Náttúruböð eru vinsæl og það virðist sem margir eru hættir að nota sápu.

..eftir hverju bíðum við skríðum aftur inn í torfkofanna og höfum kósíkvöld.

Fiskinn minn namminamminamm



Við Mr. Jones fórum í veiðiferð saman í gær í Hörgánna og þó ég segji sjálf frá hef ég marga fjöruna sopið en þarna drukknaði ég næstum enda vorum við að veiða í straumi lögði fljóti og á hálir steinar við hvert fótmál þannig að ég gusaðist til og frá og bókstaflega átti sundkunnáttu minni að þakka að ég er enn meðal vor. En veiðisögurnar eru sjaldan langt undan enda missti ég 3 væna fiska en veiddi eina bleikju sem mældist um 3 pund. Ég vil taka það fram að ég er ekki mikil villimanneskja í mér og finnst sárt að drepa fiska enda læt ég Jonna alfarið um að lurka úr þeim lífið... en ég get verið hræðilega tapsár ef ég missi fiska og get verið fúl í nokkra klukkutíma. Jonni greyið reynir að kenna mér en auðvitað er það honum að kenna að ég missi fiskanna, hann er ekki nógu snöggur með háfinn eða segir mér að gera eitthvað sem veldur því að fiskurinn hefur vinninginn, lífi sínu feginn. Ég held að ég sé búin að horfa á alltof mikið af hjartnæmum Disney myndum til að geta staðið í svona fiskeríi.
Hátíð samkynhneigðra er gengin í garð og missti ég því miður af hátíðarhöldunum. Sjaldan lýgur almannarómur og það virðist sem allir séu í fögnuði yfir þessum viðburði fyrir sunnan. Enjoy people!! Sakna þess að sjá ekki skrúðgönguna enda hefur hún alltaf verið hápunktur laugavegsins í ágústmánuði. Þegar ég var hárgreiðslugúrú fyrir sunnan og vann á laugaveginum fór maður ávallt eftir vinnu og fagnaði frelsinu og fólkinu sem er samkynhneigt og nýtur sín. Til hamingju allir!
Auk þess eiga Dalvíkingar fiskidag sinn og situr fólk nú að snæðingi og talið er að fólk hafi hámað í sig 11 tonn af fiski í dag og geri aðrir betur!
Sjóarar og samkynhneigðir, this is your day!!!

30
Jæja mínir kæru áhangendur, þá er maður loksins komin á þriðja tuginn og þarf að passa sig að halda kúlinu en samt í senn vera "grown up" ef þið skiljið! Það er mikill munur milli 29 0g 30 skal ég segja ykkkur. Hugarfarslega... ekki beint áþreyfanlega. Ég tók ekki eftir fleiri hrukkum eða meiri appelsínuhúð frekar hvernig ég passa mig að segja ekki "oh my god", "shit" og "geðveikt vírað" og slíkt sem hæfir að sjálfsögðu ekki háttvirtri þrítugri giftri konu með barn að segja!!
En annars er það helst að frétta að Ítalíuferðin var náttúrlega frábær og mjög vel lukkuð fyrir utan ýmis slys sem alltaf fylgja okkur Edditu þegar við erum að ferðast saman. Fyrsta sem gerðist var að Edda sem tók ferðina mjög alvarlega menningalega séð og ætlaði sko aldeilis að borða og drekka Ítalska menningu á 1 viku pantaði sér óvart nautagarnasúpu sem var ekki sérdeilis girnileg að við misstum eiginlega báðar matarlystina það sem eftir var ferð.
Við fórum einnig í SPA og létum dekra við okkur í "stone therpy" og andlitsbaði, nema hvað að eins og flestir vita eru ítalir ekkert mikið fyrir að tala eða skilja ensku þá enduðum við með sitthvorn nuddarann í sitthvoru horninu á húsinu og nuddarinn minn skildi ekkert í ensku og ég fékk hvorki handlæði né sturtuklefa og var gegnsósa í olíu og hárið á mér eins og ég hafi verið dreginn upp úr ræsinu einhverstaðar á Rimini. Ég ráfaði um húsið sem var á þremur hæðum í leit að Eddunni en hún var hvergi sjáanleg þannig að ég sótti fötin mín og fann opnar sturtur í einhverju herbergi og fór þar og naut sturtunar þangað til kviknaði á einhverjum heilasellum og einhver tenging myndaðist við það sem stóð á hurðinni á sturtuherberginu og eitthvað sem ég hafði séð úr "The godfather". Donnes = Karlmenn.... OMG!! Mín skrúfaði fyrir sturtuna í snatri með sápuna í hausnum og í föt og út, hitti Eddu sem var búin að hringja í mig eins og vitlaus manneskja og við út, Edda olíuborin eftir enga sturtuferð og ég með sjampó lekandi niður á bak og rauð eins og karfi. Æði!!!
Síðast en ekki síst versluðum við auðvitað föt og svoleiðis og Edda fékk þá snilldar hugmynd að kaupa balsamikedik og koma með heim fyrir ættingja og vini þar sem balsamikið á þessum slóðum er það besta sem fyrirfinnst í heiminum við keyptum slatta og vöfðum þessu inn í öll fínu fötin sem keyptum en viti menn þegar við komum heim angaði taskan mín af ballalykt og fötin og allt útötuð í besta balsamikediki í heiminum JEIIII...
Þessi ferð til Montecatini var samt frábær í alla staði og lærði maður eitt og eitt orð í ítölsku og tók slatta af myndum.
Ég vona að ég muni einhverntíma hafa þolinmæði til að setja upp myndasíðu...

Djamm-myndir frá síðustu helgi!!!


Harpan og Ég


Unnsa og Dóra í góðum gír


Dj Britney!

Skóli vs. Spánn
Jæja þá, í dag fékk ég bréf um að ég gæti hafið nám í Hólaskóla í haust. Mín viðbrögð voru kitlstingur í magann. Svoldið spúgí en kannski ekki af því Spánarferðin okkar Mr. Jones átti að vera frá 6. - 10. sept. en þá er akkúrat kennsla fyrir nemendur fjarnámsins. Þannig að nú verð ég að velja og hafna. Ef ég er tvístígandi... hvar er áhuginn!!?................................ Ég ætla í skólann!!! JEiiiii. Jóndi bóndi ætlar í skólann. Annars er ekkert að frétta, bara bloggið mitt er í tætlum.

!biggabú!
Haldiði að mín hafi ekki endað á skrallinu með Harpos í gær og svona líka blátt áfram stuð alla nóttina. Bogga slóst í hópinn með okkur og Unnsa punnsa og fl. og fl. David Beckham wannaby var á svæðinu og tailenskur flugmaður sem hélt drykkjunum gangandi, kúkurinn var líka svæðinu , Dóra og Doddi dönsuðu af sér skónna, Erik mr. USA hneykslaðist á að konur sem ættu börn væru að skralla karlmannslausar á nóttunni og hélt mikla ræðu um siðgæði hjónabanda sem okkur Hörpu fannst auðvitað drepfyndið. Ég endaði í leigubíl kl 5 í morgun kófdrukkin og þráði ekkert heitar en svefn og mat. Ísskápurinn tómur þannig að mjólkurglas varð fyrir valinu. Harpa aftur á móti endaði í brjáluðu eftirpartýi með 3 hönkum og var bara nokkuð ánægð. Bogga endaði líka í öðru partýi á hinum enda bæjarins með 2 pörum. Djammkvótinn er búinn í bili enda þynnkan slæm verri verst. En þetta kvöld var magnað og gleymist seint, sama má segja um líðan mína núna...

Nú er það ljótt!!

Ekkert skrall fyrir mig um helgina. Skítakvef, ofnæmi og leiðindi!!!! Ætla ekki að eiga fleiri orð um þetta, ætla bara að vera heima og anda yfir gufu.

Sætastur!!!

Hólískólí

Jæja þá er mín búin að skrá sig í skóla í Hólaskóla. NotaBene, ég ætla ekki að gerast bóndi. Núna er Hólaskóli háskóli en ekki bændaskóli svo að ekkert misskilist. Ferðamálabraut varð fyrir valinu svo að það verður í nógu að snúast í haust m.a. kúrs í gangstígagerð og leiðsögukúrs! Jeeiii...

Á skrallið næstu helgi?

Ó já.. mín ætlar sko aldeilis að sletta úr klaufunum næstu helgi og þá aðallega með klaufunum Hörpu og Sif. Þó líði ár og öld og þá sjaldan að maður lyfti sér upp þá hafnar maður seint slíkum partýboðum. Harpan mín er að flytja til Köben og auðvitað þarf kveðjupartý með pompi og pragt. Annars segji ég bara gleðilegan þjóðhátíðardag, Guð blessi Ísland!

"Litla vinkona"

Hunangsfluga ein kom í heimsókn til mín í kvöld og kenndi mér dýrmæta lexíu. Ég vil taka það fram að ég er með flugufóbíu á háu stigi, þar sem húsfluga hefur hrætt úr mér lífstóruna. Þessi svokallaða vinkona mín kom hér inn um gluggann hjá mér ásamt maka sínum (býst ég við) þar sem hann var bæði minni, mjórri og líklega hræddari þar sem hann flaug út um leið og hann sá mig. Ég náttúrlega æpti og hljóp inn á baðherbergi og hringdi í mömmu og spurði í mikilli geðshræringu hvernig ég ætti að losa mig við þessa skepnu og hún mælti hiklaust með hárlakki og sagði mér að spreyja ákveðið á hana án þess að hika. Ég fór fram með sprayið í annarri og símann í hinni og sá þessa litlu (stóru) saklausu flugu sem átti sér enga undankomuleið og ég gat bara enganveginn úðað á kvikindið. Eftir klukkustunda tal við mömmu sem var nú bara steinhissa á þessarri hræðslu og miskunarsemi settist ég fram og fór að fylgjast með vinkonu minni sem var bara alveg meinlaus og líklega að skíta á sig úr hræðslu við þessa klikkuðu kellingu sem notar hárlakksbrúsa og síma sem vopn í stríði sem væri álíka vitlaust og íraksstríðið í heild sinni. Við skildum sáttar við lífið og tilveruna og báðar á lífi. Svona getur nú lífið verið skrítið í sveitinni!!!

Nú liggur vel á mér....

... enda er mjög líklegt að ég liggji á sólarströnd á Ítalíu í júlí vííííí.....

Ertu full/ur???

Sódóma Reykjavík

Það er nú altaf sama djö... skrallið á manni þega maður kemur til gettó-RVK. Það er eins og föstudagsinsalkinn vakni upp úr værum svefni og eftir situr maður með spítukalla í hausnum!

Daður í Danmörku

Jæja þá er maður kominn heim í heiðárdalinn frá Danmörkinni og þar var sko ekki leiðilegt að vera í góðu atlæti systu sem dekraði við mann hægri vinstri... snú.
En Sys klikkaði á að vera ekki búin að daðra aðeins við veðurguðina, af því það var svo kalt, meira að segja haglél á köflum... Skvísan tók okkur múttu í alsherjar verslunarferð þar sem fátt var sparað nema kannski daðrið... ég þarf að senda hana sys á daðurnámskeið því það vantaði sko ekki athyglina á hana frá hinu kyninu en Láran gerði ekkert í því ... hvurslags!!! Þetta var svona kellingaferð þar sem hver einasta flík í H&M var grandskoðuð og auðvitað drukkið óendanlegur bjór.
Langþráð sumarið er loksins að láta á kræla hér í sveitinni enda fara rúturnar að streyma að hver af annarri, sneisafull af öllum stærðum og gerðum af túristum, sem spyrja margra furðulegra spurninga á borð við, "where does the meat come from?", "Does sheep eat stones?" og "Where are all the trees?" og við íslendingarnir spurjum sömu spurninguna aftur og aftur "How do you like Iceland?"
Annars horfði ég á Oprhu í dag og var nokkuð ánægð með frammistöðu Svanhildar og Þórunnar, sama hvað feministar segja þá er þetta bara svona, kynslóðir breytast í tímans tönn og við getum verið stoltar af því að geta verið frjálsar og mismunandi eins og við erum margar og ekki nóg með það þá snýst þetta ekki bara um kynið, kallar og konur eru jafnvíg í djammi, daðri og kynlífi...o.s.frv.

Norðlenska vs. Reykvíska

Ég átti spjall við nokkrar "ekta" norðlenskar konur í dag og það fór ekki á milli mála að á litla klakanum okkar líðast allavega tvær mállýskur þ.e. Reykvíska og norðlenska hér eru nokkur valinkunn dæmi:
*Dekkið á bílnum sprakk : Bíllinn punkteraði
*Ég þarf að komast í bæjinn : Ég þarf í bæjinn
*Ég þarf að hitta Siggu : Ég þarf að ná af Siggu
*Pizza : Flatbaka
*slydda : hundsslettuveður
*snjór : ofanfall
*buxur : brækur
*peli af vodka : Vodkafleygur
... svo ekki sé nú talað um allar áherslurnar!!! shííí...

, ekki nóg með það þá halda þessar norðanpíur að Reykvíkingar viti ekki hvað "hreppur" þýðir!!!
...RIGHT! þetta blessaða sveitapakk...

Sumar, vetur, vor og haust...
Ég er orðin ansi þreytt á að bíða eftir sumrinu... vorið er rétt að koma, það blása svalir vindar og er ansi napurt. Samt virðist sem sumarboðar, misgóðir að vísu séu farnir að láta ljós sitt skína s.s. flugnaskítur á rúðum, dauðar og lifandi flugur á ótrúlegustu stöðum...fann eina undir koddanum mínum!, hunangsflugurnar ógurlegu, og það sem meira er járnsmiður á eldhúsgólfinu á meðan sit ég í kanínuullarsokkum og flíspeysu og held í vonina að sumarið hljóti nú bara að fara að koma. Farðu vondi vetur og gefðu okkur sól og hunangsflugur!!!

Nú er frost á fróni...

Jæja litlu kindur ég er komin heim á klakann. Ljúft en kalt. Keypti heilmikið af fötum og drakk mikið pinacolada og fleiri spænska drykki sem ég kann ekki skil á. Ég mun setja inn myndir veryvery soon. Annars er svo sem bara allt í goody hér í sveitinni, vonast til að komast til Spánar fyrir sumarið með lillann svo hann geti fengið sól á litla kkroppinn sinn en við sjáum hvað setur...en þangað til næst.. VIVA ESPANA

Á Spáni er gott að djamma og djúsa...

Jæja elskurnar... nú skreppur sveitastúlkukindin til Spánar. Ég mun auðvitað sakna ykkur gríðarlega þegar ég sit á ströndinni með Sangría í vinstri og Pina Colada í hægri og auðvitað þegar ég fer í Zöru og Mangó og versla mér nýjustu sumarlínuna en örvæntið ekki ég mun huxa til ykkar og þegar ég kem aftur þá verður vonandi komin betri tíð með blóm í haga hér í kuldanum behehee!!

Eins og sjá má er ég pirruð í dag.... en það sem gleður mitt litla sveitahjarta er að SYS er að koma til mín á morgun híhí....gúgggúlú!

Litlu ungu símamennirnir...

Ég átti leið mína upp í gamla góða Landsímann í dag, til að fá þjónustu varðandi ISDN tengingu....en viti menn þarna voru 2 starfsmenn hvorugur þeirra var eldri en 18 ára og þar sem Síminn er að kafna úr nýjungagirni var náttúrlega tæknilegasta númerakerfi landsins á svæðinu og ég var 15 númerum á eftir númerinu sem átti þjónustu þessa stundina. Tíminn leið og leið og ég beið og beið og beið meðan ég horfði á vesalings BÖRNIN reyna að klóra sér leið í gegnum væntingar pirraðra viðskiptavinanna sem flestir voru yfir fertugt. Eftir 15 mínútur var þolinmæði mín á þrotum og er ég að gefast upp á þjónustu þessa fyrirtækis sem er fyrir neðan allar hellur... Stóru forstjórasímakallar ráðið til ykkar fleira og mun eldra og reyndara starfsfólk í þjónustustörf hjá einu stærsta þjónustufyrirtækis þessarrar þjóðar!!!!

Congratulations! You are Lynette Scavo, the
ex-career woman who traded the boardroom for
boredom, mixed with moments of sheer panic as
the mother of four unmanageable kids.

Which Desperate Housewife are you?
brought to you by

Golden shower

Ég var að fá mína fyrstu "golden shower" og það frá ekkert minni manni en stráknum mínum, 2ja ára. Hann var að koma úr baði og ég sat með hann í sófanum, þurrkaði honum og saman horfðum við á Jóa Fel búa til pasta... allt í einu heyri ég hann segja: píííssssa og ég hélt að hann væri að segja pizza og leiðrétti hann og sagði :neiii þetta er pasta og í þeim töluðu orðum fann ég eitthvað heitt renna yfir mig..... það er allavega einhver sem ekki heldur vatni yfir Jóa Fel!!

Skíðaóferðir

Ég er yfir mig vonsvekkt yfir Skíðasambandi Íslands að ákveða bara sísvona að halda skíðamót Íslands í Bláfjöllum.... Við búum ekki á Blálandi, heldur Íslandi... 1/4 af landinu okkar er hulið ís. Ég segi að blessaða Hlíðarfjallið og Bláfjöllin eru barns síns tíma, kominn tími til að við Íslendingar opnum bláu augun okkar og lítum á landið okkar sem skíðaparadís þ.e.a.s í þeim fjöllum sem snjór er í nær allt árið um kring t.d Kaldbakur og hvað varð um gömlu góðu Kellingafjöllin... komm on, það er snjór kannski að meðaltali í 1/2 mánuð á ári í Bláfjöllum. Rífum skíðalyfturnar upp með rótum og komum þeim fyrir þar sem þær verða að einhverju gagni og fáum ríka ferðamenn til ÍSLANDS...

Nýju skórnir mínir... in a faboulous dream!

Ó borg mín borg...

...Er ekki alveg að skilja þáttinn Reykjavíkurnætur e. Baltasar Kormák, sorrý er bara ekki alveg inní dæminu!! Eru Reykjavíkurnætur virkilega orðnar svona súrar og leiðinlegar eða er Baltasar í einhverjum nostralgíufíling að reyna að skapa einhverja stemmingu frá hans djammárum??
Ef að þetta er sýnishorn inn í nútíma Reykjavíkurnætur er ég blessunarlega fegin að upplifa Akureyrarnætur þó að þær séu nú ekki upp á marga fiska!!