Jólakveðja til ykkar frá okkar

Ég er að springa!!!
Einhvernvegin grunar mér þó að Eva greyið hafi bitið af eplinu hafa kjötið ekki verið ósnert af Adam!!

Sæl veriði

Þar sem ég hef verið hræðilegur bloggari undanfarið ætla ég að reyna að bæta það upp með slúðurfærslu:

1. Slúður no1.

Ég hef gengið í klúbb með Nicole Richie og Christinu Aguilera, sem gerir mig ekki að konu einsamalli!

2. Slúður no2.

Jodie Foster kíkti á hótelið okkar með fjölskyldunni sinni í sumar og borðaði mikla súrmjólk með sultu. "She really liked Iceland"

3. Slúður no3.

Leikritið Fló á skinni sem frumsýnt verður í desember á Akureyri er pjúra sannsögulegt!! Búið ykkur undir uppljóstrun leyndarmála frá "Sveitasetrinu Sveinbjarnargreiða" (sem btw er algjört undercovernafn) í Eyjafirðinum.

4. Slúður no4.

Nings á Akureyri framleiðir heilsurétti sem grenna fólk, því meira sem þú borðar, því meira grennist þú!! -- Til hvers að hoppa í ræktinni??

5. Slúður no5.

Blágrýtisklæðning manningarhússins á Akureyri er feik!! Klæðningin er búin til úr bræddum plastflöskum sem finnast á Ráðhústorginu á föstud. og laugard. kvöldum. Pólverjar voru fengnir til verksins.

Blesssssssss... SSSSSweetiesssssss!

Akureyrarveikin

Nú er Hólaferðin á enda og var náttúrlega ólýsanlega gaman þar eins og alltaf, ég náði að festa myndir á stafrænt form en þar sem tölvan mín þurfti að gefa upp öndina í vikunni hefur mér ekki gefist tími til að koma inn myndum frá ferðinni. Nú er páskatörnin að byrja á hótelinu og svo tekur við túristatíminn uppúr því og próflestur. S.l. daga hef ég nagað eina nögl á dag fyrir hvern dag sem ég næ ekki að lesa og á aðeins tvær eftir, semsagt komin tími á að opna bækur. Annars er mín daglega klukka einhvað biluð því að um klukkan 17 á daginn er ég uppgefin af þreytu en svo um 21 er ég glaðvakandi og næ ekki að sofna fyrr en um 1 á nóttinni og á þessum tíma er ég ráfandi um og veit ekki hvað gera skal samt er ég rauð í augunum af þreytu og sleni... en ekki möguleiki að ég nenni að opna skólabækurnar. Hvað haldið þið að sé málið?

Síþreyta?

Pjúra leti?

Ofvirkni?

Eyrðaleysi?

Elli?

Í fréttum er þetta helst...

Staðarlotan á Hólum fer að renna upp og er Sveitavargurinn spenntur fyrir vettvangsferðinni um Skagafjörð sem stendur frá kl.9-22. Langur en skemmtilegur dagur framundan þann 29. mars. Annars er Sveitavargurinn búin að sitja sveittur yfir námsefni síðustu daga enda mikið lesefni fyrir páskafrí.


Í sveitinni er allt að gerast og er eyrin sem kennd er við Akur að verða mjög fýsilegur staður til að búa á. Átak - líkamsræktarstöð hefur bjargað sálarlífi sveitavargsins sem var byrjaður að ganga fjöll í geðveiki sinni og talið er að hann hafi verið komið langleiðina til Reykjavíkur í einni slíkri ferð. Sveitavargurinn vaknar nú fyrir allar aldir og ræktir líkamann í 2 klst. á dag og fær sér svo orkuboost sem frískar upp á kroppinn. Nings hefur einnig fært bros á andlit Sveitavargsins sem elskar austurlenskan mat í tíma og ótíma.

Sveitavargurinn fer í óopinbera heimsókn til Baunalands í lok maí með fríðum flokki kvenna og verður þar verslað og sullað og að sjálfsögðu borðað mikið smörrebröd. Sveitavargurinn mun einnig heimsækja námsmenn í Aarhus og þá sérstaklega Sys sem áætlar kokteil-boð í tilefni heimsóknarinnar auk þess sem rædd verða helstu mál líðandi stundar.



Nú fer að líða að tíma alræmdu vorboðanna, eða ferðamannanna og mun Sveitavargurinn taka á mót fyrsta hóp Bandaríkjamanna í lok apríl. Mr. Jones verður fjarri öllu góðu gamni, við veiði í Minnivallalæk.

Senn koma páskar sem kalla aðeins á eitt hjá fjölskyldu Sveitavargsins: Skíði, lambahryggur að hætti pa & mö, stórt páskaegg, mjólkurglas og nokkrar ræmur eða skemmtilegar bækur til lestrar. Sem sagt sukk og svínarí um páskana í sveitinni.

Ekki er fleira í fréttum að sinni,

góðar stundir.

Ógleymanleg hljómsveit, ógleymanlegt lag, ógleymanlegt myndband

I want to break free!

Lífið í höfuðborgini var ljúft, fyrir utan flensuna sem herjaði á sveitavarginn (ekki í fyrsta skipti sem maður lítur við í sódómunni og endar með kvef og hita). Mútta og Daddy-cool dekruðu við mig eins og við er að búast og Lilli fékk óskipta athygli. Okkur Öldu brást ekki bogalistin á djamminu frekar en fyrri daginn og dró hún mig út skvísan, með valdi, þó ég væri að kafna úr kvefi og hún ný-singluð (nýja tískuorðið yfir "skyndilega á lausu").

Myndir frá viðburðinum:

Alda að tala við móður sína á afar vandræðalegu mómenti :))







Þetta varð ákaflega listrænt kvöld

Við hönnuðum meira að segja okkar eigin skartgripalínu, aldagugga-design. Þarna er ég að módelast fyrir okkur.

Skvísan komin í gírinn

Alveg að komast í gírinn

Usssss....

Kollumynd af Öldu

Kollumynd af síldinni

Ég fór í "powergöngu no. 2" í dag og labbaði upp á Sveinbjarnarfjall, hér er staðfestingin:

IIIII'm coming south so you better get the party started, I´m coming south, I´m coming......

Þessar myndir voru teknar í vikunni á Hjalteyri:

Ef þú ert leið, fáðu þér skreið

Auð og yfirgefin síldarbræðsla

Tómir tankar

Tæki og tól

Gat í vegg

Gat í lofti

Ein og yfirgefin síld í síldartanki

Þar sem ég hef ausað úr skálum reiði minnar undanfarið í garð "sveitarinnar" og sveitafólksins þá ætla ég nú að hrósa sveitinni fyrir 2 frábær innlegg í skyndibitamenninguna hér á Ak. Búllan og Nings hafa loks litið dagsins ljós og mun ég BARA versla þar í framtíðinni og kannski Dómínós ef pizzastuðið kemur yfir mann... annars er ég í aðhaldi núna svo núna verð ég líklega bara að versla við Nings.

Skyndibitastaðir á Akureyri:

Nings ***** (Fyrsta flokks veitingastaður sem opnar væntanlega á næstu dögum, á besta stað á Akureryri, Sushi bakkar, réttur 66 í sérstöku uppáhaldi og karrýsósan klikkar ekki)
Búllan**** (Bestu hamborgarar á Íslandi en þó tapar einni stjörnu af því það vantar Tomma á svæðið, maðurinn er snillingur)
Dómínos***1/2 (Pizzurnar eru alltaf eins, maður veit að hverju maður gengur, stundum svolítið tilbreytingalaust en kjúklingavængirnir eru namminamm..)
TicTac*** (Ekta Akureyrískur skyndibiti, góður eftir djamm en banvænn í aðhaldi!)
Samkaup v/ Hrísalund*** (Ekta ömmumatur í hádeginu, mæli með kjötbollum í brúnni með kartöflum og rauðkáli)
Lindin**1/2 (Ágætis matur, fæ samt alltaf á tilfinninguna eins og ég sé að borða Frechetta pizzu þega ég fæ mér pizzu en hamb. og annað er gott)
Greifinn** (Pizzur frekar slepjulegar, samt ok )
Subway** (Ekkert spes/alltaf eins og yfirleitt frekar léleg þjónusta)
Hagkaup** (Kjúklingur í neyð, blautar franskar)
Pengs* (Fallegur staður, góð þjónusta en vantar eitthvað upp á mat, karrýsósan er ekki spes)
Crown chicken :( (Fær fýlukall fyrir lélega þjónustu og þurran kjúkling, ég hef gefið þessum stað of mörg tækifæri og alltaf hef ég fengið gelgjulega þjónustu, oftast vitlausa pöntun og án undantekninga of þurran kjúkling)

Eina sem vantar núna í sveitina er KFC. Helgi þú verður að bjarga þessu!

Nokkrar "frábærar" japanskar hugmyndir

Tölvumús með titraranuddi fyrir stressaða

Frábært tæki með myndavél sem athugar hvort tími sé komin á að hreinsa eyrun.

Sturtuhetta fyrir þá sem vilja bara bleita á sér hárið eða hreinlega bara leggja höfuðið í bleyti.

Eru Akureyringar að skjóta sig í báða fæturna???

Áhugaverð fyrirsögn og grein í Viku Degi í dag:
"Akureyringar nýti sér andúð á aðkomumönnum"
Í greininni talar Hólmkell Hreinsson um að það sem sé sérstakt við Akureyri og Akureyringa er hversu mikla andúð þeir hafa á aðkomufólki og það ætti að nýtast þeim í verkefninu um að koma Akureyri í "Slow city" flokkinn sem þykir ákaflega nýmóðins og eftirsóknarverður titill fyrir lítil krummaskuð hvar sem þau eru í heiminum. Akureyri er nú víst nógu mikill svefnbær eða eins og ég myndi kalla "sleep city" að það sé ekki líka verið að bæta á hann viðurnefninu "slow city". Þetta er ekki til framdráttar fyrir Norðlendinga sem haga sér eins og Thaílendingar, hópa sig saman í lokaða hópa og er ílla við að mingla við annað fólk. Mér líst hreinlega betur á að Akureyringar komi út úr skápnum og skammist sín fyrir að hafa andúð á aðkomumönnum og reyni að ná titlinum "friendly city" það myndi væntanlega auka ferðamannatraffíkina og ferðamenn myndu ekki bara stoppa til að renna sér niður Hlíðarfjall heldur kynnast Akureyrískri menningu sem er búin að liggja í dvala of lengi.

Jæja ... ég var rekin að blogga og þori ekki öðru enda hótanirnar af verri toganum. Skólinn er byrjaður og þá meina ég BYRJAÐUR... fögin að þessu sinni eru mennfer og rekstur, stytting á nöfnunum Menningatengdri ferðaþjónustu og Reksti smáfyrirtækja. Fögin koma á óvart og falla bara vel í kramið hjá sveitungnum sem situr bara vanalega heima og les lexíur og skrifar stíla. Þema næstu daga á blogginu verða 10 bestu / 10 verstu e-hv. Fylgist með því!!! þetta á eftir að verða krassandi umsagnir frá hvursdagshugþönkum sveitalífsins. Nóg í bili, verið sæl og hafið góðar stundir.