Sumar, vetur, vor og haust...
Ég er orðin ansi þreytt á að bíða eftir sumrinu... vorið er rétt að koma, það blása svalir vindar og er ansi napurt. Samt virðist sem sumarboðar, misgóðir að vísu séu farnir að láta ljós sitt skína s.s. flugnaskítur á rúðum, dauðar og lifandi flugur á ótrúlegustu stöðum...fann eina undir koddanum mínum!, hunangsflugurnar ógurlegu, og það sem meira er járnsmiður á eldhúsgólfinu á meðan sit ég í kanínuullarsokkum og flíspeysu og held í vonina að sumarið hljóti nú bara að fara að koma. Farðu vondi vetur og gefðu okkur sól og hunangsflugur!!!

Nú er frost á fróni...

Jæja litlu kindur ég er komin heim á klakann. Ljúft en kalt. Keypti heilmikið af fötum og drakk mikið pinacolada og fleiri spænska drykki sem ég kann ekki skil á. Ég mun setja inn myndir veryvery soon. Annars er svo sem bara allt í goody hér í sveitinni, vonast til að komast til Spánar fyrir sumarið með lillann svo hann geti fengið sól á litla kkroppinn sinn en við sjáum hvað setur...en þangað til næst.. VIVA ESPANA

Á Spáni er gott að djamma og djúsa...

Jæja elskurnar... nú skreppur sveitastúlkukindin til Spánar. Ég mun auðvitað sakna ykkur gríðarlega þegar ég sit á ströndinni með Sangría í vinstri og Pina Colada í hægri og auðvitað þegar ég fer í Zöru og Mangó og versla mér nýjustu sumarlínuna en örvæntið ekki ég mun huxa til ykkar og þegar ég kem aftur þá verður vonandi komin betri tíð með blóm í haga hér í kuldanum behehee!!

Eins og sjá má er ég pirruð í dag.... en það sem gleður mitt litla sveitahjarta er að SYS er að koma til mín á morgun híhí....gúgggúlú!

Litlu ungu símamennirnir...

Ég átti leið mína upp í gamla góða Landsímann í dag, til að fá þjónustu varðandi ISDN tengingu....en viti menn þarna voru 2 starfsmenn hvorugur þeirra var eldri en 18 ára og þar sem Síminn er að kafna úr nýjungagirni var náttúrlega tæknilegasta númerakerfi landsins á svæðinu og ég var 15 númerum á eftir númerinu sem átti þjónustu þessa stundina. Tíminn leið og leið og ég beið og beið og beið meðan ég horfði á vesalings BÖRNIN reyna að klóra sér leið í gegnum væntingar pirraðra viðskiptavinanna sem flestir voru yfir fertugt. Eftir 15 mínútur var þolinmæði mín á þrotum og er ég að gefast upp á þjónustu þessa fyrirtækis sem er fyrir neðan allar hellur... Stóru forstjórasímakallar ráðið til ykkar fleira og mun eldra og reyndara starfsfólk í þjónustustörf hjá einu stærsta þjónustufyrirtækis þessarrar þjóðar!!!!

Congratulations! You are Lynette Scavo, the
ex-career woman who traded the boardroom for
boredom, mixed with moments of sheer panic as
the mother of four unmanageable kids.

Which Desperate Housewife are you?
brought to you by

Golden shower

Ég var að fá mína fyrstu "golden shower" og það frá ekkert minni manni en stráknum mínum, 2ja ára. Hann var að koma úr baði og ég sat með hann í sófanum, þurrkaði honum og saman horfðum við á Jóa Fel búa til pasta... allt í einu heyri ég hann segja: píííssssa og ég hélt að hann væri að segja pizza og leiðrétti hann og sagði :neiii þetta er pasta og í þeim töluðu orðum fann ég eitthvað heitt renna yfir mig..... það er allavega einhver sem ekki heldur vatni yfir Jóa Fel!!

Skíðaóferðir

Ég er yfir mig vonsvekkt yfir Skíðasambandi Íslands að ákveða bara sísvona að halda skíðamót Íslands í Bláfjöllum.... Við búum ekki á Blálandi, heldur Íslandi... 1/4 af landinu okkar er hulið ís. Ég segi að blessaða Hlíðarfjallið og Bláfjöllin eru barns síns tíma, kominn tími til að við Íslendingar opnum bláu augun okkar og lítum á landið okkar sem skíðaparadís þ.e.a.s í þeim fjöllum sem snjór er í nær allt árið um kring t.d Kaldbakur og hvað varð um gömlu góðu Kellingafjöllin... komm on, það er snjór kannski að meðaltali í 1/2 mánuð á ári í Bláfjöllum. Rífum skíðalyfturnar upp með rótum og komum þeim fyrir þar sem þær verða að einhverju gagni og fáum ríka ferðamenn til ÍSLANDS...

Nýju skórnir mínir... in a faboulous dream!

Ó borg mín borg...

...Er ekki alveg að skilja þáttinn Reykjavíkurnætur e. Baltasar Kormák, sorrý er bara ekki alveg inní dæminu!! Eru Reykjavíkurnætur virkilega orðnar svona súrar og leiðinlegar eða er Baltasar í einhverjum nostralgíufíling að reyna að skapa einhverja stemmingu frá hans djammárum??
Ef að þetta er sýnishorn inn í nútíma Reykjavíkurnætur er ég blessunarlega fegin að upplifa Akureyrarnætur þó að þær séu nú ekki upp á marga fiska!!

5 skópör á 3 mánuðum..

Ég er komin með sexandthecity-veikina, hhhjjjáááálppp! eða Lázuveikina! Ég hef aldrei eytt svona mikið í skó, ég byrjaði að telja skópörin mín eftir þetta áfall og ég á víst ein 22 skópör og ég nota að meðaltali 3 skópör á ári. Í dag er ég reyndar alltaf í sömu skónum. Að meðaltali kostar skópar um 4000 kall x 22 = 88.000 kall, það er bílskúrssala hjá mér um helgina!!!

Glæta spætan!

Það hefur svei mér allt breyst í þessu bloggi... enda hef ég ekki bloggað svo öldum skiptir! Núna þegar mömmustarfið er orðið hálfan daginn ætti ég að finna tíma í að halda uppi 2 heimasíðum ehaaagggii! Annars hefur lítið á daga mína drifið s.s 3 djömm, 789 bleyjuskiptingar, 5 ferðir til RVK, 1 ferð til Danmerkur og 1 ferð til Spánar og matur og svefn eins og gengur og gerist. Hef örugglega lært um 200 barnalög og skil barnamál með góðu móti... þetta er farið að hljóma eins og starfsumsókn, sem minnir mig á það að ég er að vinna og á að vera að vinna.... if I were a rich girl naanaanaanaanaaanaaaaaa.....!

mamman fer á djamm dauðans!!

um helgina fór ég offisjilli í fyrsta skipti að JAMMA eftir að ég varð MAMMA og var það bara nokkuð gaman, minnti mann á framhaldsskólaárin þegar maður hafði nákvæmlega ekkert þol á áfengi og endaði alltaf sofandi upp í rúmi með málningu niður á höku og angandi af pylsulykt og ógeði.... og meiraðsegja var þynnkan tvöfalt verri!! En þetta var gæðaball á sjallanum, brjálað stuðband, dans og gleði. Aldan var hér hjá okkur og skellti sér að sjálfsögðu með, en ekki hvað... hún sá reyndar engan sætan og ungan norðlending og vil hér auglýsa eftir einum.... eða kannski tveimur híhíhí! (það verður bara nóg að gera hjá öldunni)

Jæja... sumar dauðans tekið við!!

En það jákvæða við þetta allt er að staffið okkar er FRÁBÆRT!!! Ég elska fólk sem nennir að vinna og það er einmitt þess vegna sem ég er svo hrikalega ástfangin þessa daganna. Mútta er komin í sveitina og Tanja er komin sem er stelpa frá Rússlandi sem er eins og maskína og svaka hress pía. LáZan eða SYS eins og flestir þekkja hana er á leiðinni frá kónsins Köben og þá er teymið fullkomnað.... annars er ég bara að bulla tóma steypu eins og venjulega en þetta er það sem gleður hjarta mitt þessa dagana og svo er maður nú komin aðeins' í ölglasið og allt mjög mosjonal og grúví :)

You are Snoopy!


Which Peanuts Character are You?
brought to you by Quizilla

Svefngalsi dauðans bankaði upp á hjá mér í morgun!

ég skal sko segja ykkur það.... ég fékk svefngalsa af verstu gerð, í morgun í þokkabót. Ég er venjulega eins og risaeðla á morgnanna, krumpuð og grumpy en í morgun söng ég í sturtu og flissaði af einhverju fáránlegu sem ég vil ekki einu sinni muna og endaði svo með því að setja brauðið inn í ísskáp og mjólkina inní brauðskáp og smjörinu henti ég!!!

Þeir sem vilja upplifa þessa tilfinningu þ.e. svefngalsa á morgnanna er uppskriftin hér: svefn ca. 3 klst. á nóttu og þessa þrjá tíma stilla vekjaraklukkuna á 15. mín. fresti, standa upp og leggjast niður aftur og fara svo í ískalda sturtu um leið og þið vaknið!! Eftir viku má búast við einkennunum. Good luck & have fun!

What Finding Nemo Character are You?
brought to you by Quizilla

Ég hef bitið í súran hrútspung...

Jæja eg er nú aldeilis komin inn í súrmatinn og naut þess að éta sauðakjöt, hangikjet, harðfisk, svið og það sem meira er hafði ég mig í að bíta í súran hrútspung en þorði alls ekki að kyngja... ég fílaði mig eins og í fear-factor nema að ég var ekki með silikonbrjóst eins og flestar píurnar sem taka þátt í leik óttans. Dagurinn í dag er semsagt búinn að snúast um súrmat. Sonur minn (8 mánaða) vann fear-factor leikinn okkar þar sem hann gékk alla leið og hamaði í sig hákarlabita á mettíma eins og hann ætti von á 50.000$

A Loud Guitar Solo: You are the wild one! Loud
noises and chaotic scenes are in your
preference. You have a sense of adventure that
is truly yours alone. Whether your at a concert
or at home enjoying a thunderstorm, you are
bold and beautiful! Rock On! (please rate my
quiz)


What Sound Are You?(now w/ pics)
brought to you by Quizilla

Flutningur nr.17

Jæja þetta er í 17. skipti sem ég skipti um heimili á minni stuttu ævi. 17 er ein af happatölum mínum þannig að ég býst við góðum gír í nýju íbúðinni. Og jafnvel lottóvinningi á laugadaginn til að borga fyrir nýja rúmið mitt, eldhúsinnréttingu, nuddbaðkar og nýjan rafknúinn tannbursta.

Augað mitt er læknað (Thank god!)... ósýnilegi sandkassinn var svo bara eitt rykkorn sem leyndist undir augnlokinu og það sem meira er augnlæknirinn mældi sjónina mína og sagði að ég væri með súpersjón þannig að ég sé næstum í gegnum föt.... og líka fyrir horn!!!! Ég hefði átt að vera njósnari. 0017... mrs. Gugga Bond.