Í fréttum er þetta helst...

Staðarlotan á Hólum fer að renna upp og er Sveitavargurinn spenntur fyrir vettvangsferðinni um Skagafjörð sem stendur frá kl.9-22. Langur en skemmtilegur dagur framundan þann 29. mars. Annars er Sveitavargurinn búin að sitja sveittur yfir námsefni síðustu daga enda mikið lesefni fyrir páskafrí.


Í sveitinni er allt að gerast og er eyrin sem kennd er við Akur að verða mjög fýsilegur staður til að búa á. Átak - líkamsræktarstöð hefur bjargað sálarlífi sveitavargsins sem var byrjaður að ganga fjöll í geðveiki sinni og talið er að hann hafi verið komið langleiðina til Reykjavíkur í einni slíkri ferð. Sveitavargurinn vaknar nú fyrir allar aldir og ræktir líkamann í 2 klst. á dag og fær sér svo orkuboost sem frískar upp á kroppinn. Nings hefur einnig fært bros á andlit Sveitavargsins sem elskar austurlenskan mat í tíma og ótíma.

Sveitavargurinn fer í óopinbera heimsókn til Baunalands í lok maí með fríðum flokki kvenna og verður þar verslað og sullað og að sjálfsögðu borðað mikið smörrebröd. Sveitavargurinn mun einnig heimsækja námsmenn í Aarhus og þá sérstaklega Sys sem áætlar kokteil-boð í tilefni heimsóknarinnar auk þess sem rædd verða helstu mál líðandi stundar.



Nú fer að líða að tíma alræmdu vorboðanna, eða ferðamannanna og mun Sveitavargurinn taka á mót fyrsta hóp Bandaríkjamanna í lok apríl. Mr. Jones verður fjarri öllu góðu gamni, við veiði í Minnivallalæk.

Senn koma páskar sem kalla aðeins á eitt hjá fjölskyldu Sveitavargsins: Skíði, lambahryggur að hætti pa & mö, stórt páskaegg, mjólkurglas og nokkrar ræmur eða skemmtilegar bækur til lestrar. Sem sagt sukk og svínarí um páskana í sveitinni.

Ekki er fleira í fréttum að sinni,

góðar stundir.

Ógleymanleg hljómsveit, ógleymanlegt lag, ógleymanlegt myndband

I want to break free!

Lífið í höfuðborgini var ljúft, fyrir utan flensuna sem herjaði á sveitavarginn (ekki í fyrsta skipti sem maður lítur við í sódómunni og endar með kvef og hita). Mútta og Daddy-cool dekruðu við mig eins og við er að búast og Lilli fékk óskipta athygli. Okkur Öldu brást ekki bogalistin á djamminu frekar en fyrri daginn og dró hún mig út skvísan, með valdi, þó ég væri að kafna úr kvefi og hún ný-singluð (nýja tískuorðið yfir "skyndilega á lausu").

Myndir frá viðburðinum:

Alda að tala við móður sína á afar vandræðalegu mómenti :))







Þetta varð ákaflega listrænt kvöld

Við hönnuðum meira að segja okkar eigin skartgripalínu, aldagugga-design. Þarna er ég að módelast fyrir okkur.

Skvísan komin í gírinn

Alveg að komast í gírinn

Usssss....

Kollumynd af Öldu

Kollumynd af síldinni

Ég fór í "powergöngu no. 2" í dag og labbaði upp á Sveinbjarnarfjall, hér er staðfestingin:

IIIII'm coming south so you better get the party started, I´m coming south, I´m coming......

Þessar myndir voru teknar í vikunni á Hjalteyri:

Ef þú ert leið, fáðu þér skreið

Auð og yfirgefin síldarbræðsla

Tómir tankar

Tæki og tól

Gat í vegg

Gat í lofti

Ein og yfirgefin síld í síldartanki

Þar sem ég hef ausað úr skálum reiði minnar undanfarið í garð "sveitarinnar" og sveitafólksins þá ætla ég nú að hrósa sveitinni fyrir 2 frábær innlegg í skyndibitamenninguna hér á Ak. Búllan og Nings hafa loks litið dagsins ljós og mun ég BARA versla þar í framtíðinni og kannski Dómínós ef pizzastuðið kemur yfir mann... annars er ég í aðhaldi núna svo núna verð ég líklega bara að versla við Nings.

Skyndibitastaðir á Akureyri:

Nings ***** (Fyrsta flokks veitingastaður sem opnar væntanlega á næstu dögum, á besta stað á Akureryri, Sushi bakkar, réttur 66 í sérstöku uppáhaldi og karrýsósan klikkar ekki)
Búllan**** (Bestu hamborgarar á Íslandi en þó tapar einni stjörnu af því það vantar Tomma á svæðið, maðurinn er snillingur)
Dómínos***1/2 (Pizzurnar eru alltaf eins, maður veit að hverju maður gengur, stundum svolítið tilbreytingalaust en kjúklingavængirnir eru namminamm..)
TicTac*** (Ekta Akureyrískur skyndibiti, góður eftir djamm en banvænn í aðhaldi!)
Samkaup v/ Hrísalund*** (Ekta ömmumatur í hádeginu, mæli með kjötbollum í brúnni með kartöflum og rauðkáli)
Lindin**1/2 (Ágætis matur, fæ samt alltaf á tilfinninguna eins og ég sé að borða Frechetta pizzu þega ég fæ mér pizzu en hamb. og annað er gott)
Greifinn** (Pizzur frekar slepjulegar, samt ok )
Subway** (Ekkert spes/alltaf eins og yfirleitt frekar léleg þjónusta)
Hagkaup** (Kjúklingur í neyð, blautar franskar)
Pengs* (Fallegur staður, góð þjónusta en vantar eitthvað upp á mat, karrýsósan er ekki spes)
Crown chicken :( (Fær fýlukall fyrir lélega þjónustu og þurran kjúkling, ég hef gefið þessum stað of mörg tækifæri og alltaf hef ég fengið gelgjulega þjónustu, oftast vitlausa pöntun og án undantekninga of þurran kjúkling)

Eina sem vantar núna í sveitina er KFC. Helgi þú verður að bjarga þessu!

Nokkrar "frábærar" japanskar hugmyndir

Tölvumús með titraranuddi fyrir stressaða

Frábært tæki með myndavél sem athugar hvort tími sé komin á að hreinsa eyrun.

Sturtuhetta fyrir þá sem vilja bara bleita á sér hárið eða hreinlega bara leggja höfuðið í bleyti.

Eru Akureyringar að skjóta sig í báða fæturna???

Áhugaverð fyrirsögn og grein í Viku Degi í dag:
"Akureyringar nýti sér andúð á aðkomumönnum"
Í greininni talar Hólmkell Hreinsson um að það sem sé sérstakt við Akureyri og Akureyringa er hversu mikla andúð þeir hafa á aðkomufólki og það ætti að nýtast þeim í verkefninu um að koma Akureyri í "Slow city" flokkinn sem þykir ákaflega nýmóðins og eftirsóknarverður titill fyrir lítil krummaskuð hvar sem þau eru í heiminum. Akureyri er nú víst nógu mikill svefnbær eða eins og ég myndi kalla "sleep city" að það sé ekki líka verið að bæta á hann viðurnefninu "slow city". Þetta er ekki til framdráttar fyrir Norðlendinga sem haga sér eins og Thaílendingar, hópa sig saman í lokaða hópa og er ílla við að mingla við annað fólk. Mér líst hreinlega betur á að Akureyringar komi út úr skápnum og skammist sín fyrir að hafa andúð á aðkomumönnum og reyni að ná titlinum "friendly city" það myndi væntanlega auka ferðamannatraffíkina og ferðamenn myndu ekki bara stoppa til að renna sér niður Hlíðarfjall heldur kynnast Akureyrískri menningu sem er búin að liggja í dvala of lengi.

Jæja ... ég var rekin að blogga og þori ekki öðru enda hótanirnar af verri toganum. Skólinn er byrjaður og þá meina ég BYRJAÐUR... fögin að þessu sinni eru mennfer og rekstur, stytting á nöfnunum Menningatengdri ferðaþjónustu og Reksti smáfyrirtækja. Fögin koma á óvart og falla bara vel í kramið hjá sveitungnum sem situr bara vanalega heima og les lexíur og skrifar stíla. Þema næstu daga á blogginu verða 10 bestu / 10 verstu e-hv. Fylgist með því!!! þetta á eftir að verða krassandi umsagnir frá hvursdagshugþönkum sveitalífsins. Nóg í bili, verið sæl og hafið góðar stundir.

Hold kjæft

Djö... er ég orðin pirruð á þessu launajafnrétti!!! Eini munurinn á þessum blessuðu skepnum er að kallinn er með typpi og kellingin pjöllu. Auðvitað eiga kallar og konur að vera með sömu laun. Ef ríkissjóðurinn mun aldrei bera þess bætur að hækka kellingar í kallalaun, lækkið þá laun kallpunganna!!

Flugfélag Íslands og landsbúar

Ég lenti í því að þurfa að nota þjónustu Flugfélags allra landsmanna í gær í flugi frá Reykjavíkur til Akureyrar og þvílík vonbrigði með þjónustu þessa kommúnistafyrirtækis. Monopoly í samgöngum á engann rétt á sér. Þjónustan var fyrir neðan allar hellur og var mér skapi næst að hringja í þjóðarsálina og ausa úr skálum mér með ljótari orðbragði en kjaftakellingarnar í vesturbænum nota í þessarri annars rotnu sál þessa þjóðar. Hefði ég verið gömul kona hefði ég frekar keypt mér árabát til Akureyrar heldur en að hlusta á starfsfólk þessa fyrirtækis sem skellti á mig í símanum og rak á eftir mér með þvílíkum yfirgangi með töskur að ég hef sjaldan séð jafnmikla ókurteisi í verslun minni þau 31 ár sem ég hef lifað og verslað (mikið)! Hvergi var gefið upplýsingar um kaosið sem átti sér stað á flugvellinum né beðist afsökunar. Ég hvet fólk eindregið frá því að versla við þetta fleugfélag og í sannleika sagt labba ég frekar til Reykjavíkur en að fljúga með þessu flugfélagi. Flugleiðir höfðu þó afsökunarbeiðni á reiðum höndum þegar lent var í þotu á Akureyrarflugvelli. Ég hvet Iceland Express að hræra aðeins upp í þessu samgöngukaozi og byrja í innanlandsflugi í samkeppni við Flugfélag Íslands því það er löngu orðið tímabært. Ég hvet eindregið aðila Flugfélags Íslands að gera gæða- og þjónustukönnun innan innviða fyrirtækisins. Hjá mér fáið þið falleinkunn ásamt þeirra erlenda ferðamanna sem neyðast til að nota þjónustuna.
Áfram Iceland Express!!

Nokkrar myndir frá singstar kvöldinu:

The winners:

The loosers:



2 fullir kakkalakkar:





CIAO!!

como estas?

Ég verð náttúrlega að henda inn a.m.k einni færslu frá Spáni. Sól og blíða eins og venjulega þó höfum við lent í mestu rigningu á Spáni síðan 1980 og var sú rigning í harðari kantinum en alls ekki svo slæm. Ég er komin með nýtt áhugamál sem er sjóbretti og ætla að skrá mig á námskeið næsta haust. Hlakka alls ekki til að koma heim í snjóinn og frostið en hugga mig við að þremur vikum eftir heimkomu fer ég aftur til Spánar og kem ekki aftur fyrr en í febrúar á næsta ári... hrein snilld!!!
Ætlaði að kíkja á veitingastaðinn hans Antonio B. í Alicante en þá hafði honum verið lokað!! Í staðinn enduðum við á ítalska staðnum "Famiglia", frábær ítalskur staður með bestu pastaréttum í heimi.. Breko breko!! og í lok kvöldsins í mögnuðu singstar partýi hjá Palla og set ég inn myndir af því við 1. tækifæri, þarf aðeins að ritskoða filmuna!! Að lokum segi ég bara.. Adios mucho frio amigos! Hasta la juegendo, buena vieja!!

Án efa tónlistarkona mánaðarins MOLOKO

Umhugsunarvert:

1. Í New York City eru 11 bókstafir

2. Í Afghanistan eru 11 bókstafir

3. Í nafni Ramsin Yuseb (Hryðjuverkamaðurinn sem hótaði að eyðileggja Twin Tower árið 1993) eru 11 bókstafir.

4. Nafnið George W Bush er 11 bókstafir

Þetta gæti allt verið hrein tilviljun, en nú verður þetta áhugavert:

1. New York er 11. fylkið

2. Í flugi 11 voru 92 farþegar (9 + 2 = 11)

3. Í flugi númer 77 sem einnig flaug á tvíburaturnana voru 65 farþegar (6 + 5 = 11)

4. Árasin átti sér stað 11. september, sem er einnig þekkt sem 9/11 (9 + 1 + 1 =11)

5. Dagsetningin er eins og neyðarnúmerið í Bandaríkjunum 911 (9 + 1 + 1 = 11)

Ennþá hreinar tilviljanir?? Haltu lestrinum áfram.....

1. Heildarfjöldi fórnarlambanna sem voru í flugvélunum sem notaðar voru í árásunum var 254 (2 + 5 + 4 = 11)

2. 11. september er 254. dagurinn á árinu (2 + 5 + 4 = 11)

3. Hryðjuverkaárásin í Madríd átti sér stað 3.11.2004 (3 + 1 + 1 + 2 + 0 + 0 + 4 = 11)

4. Hryðjuverkaárásin í Madríd átti sér stað 911 dögum eftir árásina á Twin Towers.

... og nú kemur það sem er ennþá merkilegra:

Á eftir fána Bandaríkjanna (Stars and stripes) þá er Örninn þekktasta merki landsins

* Í eftirfarandi versi úr Kóraninum, hinni helgu ritningu Íslam, stendur:

"For it is written that a son of Arabia would awaken a fearsome Eagle.

The wrath of the Eagle would be felt throughout the lands of Allah and

while some of the people trembled in despair still more rejoiced:

For the wrath of the Eagle cleansed the lands of Allah and there was peace."

Þetta er vers númer 9.11 í Kóraninum.

Heldur þú ennþá að um hreinar tilviljanir sé að ræða? Prófaður þá eftirfarandi:

* Farðu í Microsoft Word og gerðu þetta:

1. Skrifaðu með hástöfum: Q33 NY. Flugnúmerið á fyrstu vélinni sem var flogið á tvíburaturnana.

2. Litaðu Q33 NY

3. Breyttu stafastærðinni í 48

4. Breyttu leturgerðinni í WINGDINGS (eða WINGDINGS 1)

2 + 2 = 5 samkvæmt markaðsfræðinni....

Mér hefur hinsvegar alltaf fundist 2 + 2 = 3 !! En ég hlýt að sannfærast svo að ég geti horft í augun á markaðsfræðiprófessorinum.

Ef þú velur vistvænt...þá hversu vistvænt?

Orðið vistvænt þetta og vistvænt hitt hefur mjög tvírænan skilning í mínum huga. Vistvænt grænmeti t.d. er gott ef það er án skordýraeiturs og vistvænar kjötafurðir þar sem ekki eru notuð lyf eða sterar í fæði skepnanna eru ok að mínu mati en vistvænar barnableyjur og hreingerningarvörur eru ekki að virka að mínu mati, bleyjurnar leka og þarf að nota þrefalt meira magn af þeim heldur en þessum venjulegu og ekki hef ég trú á að þær séu mjög umhverfisvænar eftir allt. Vistvænar hreingerningavörur eru ómannvænar með því tilliti að þær virka ekki nema að maður beiti miklum kröftum og brotnu baki við hreinsunarstörf. Vistvænir bændur eru ekki svo vistvænir eftir allt... því nýjasta kjaftasagan í sveitinni er að ákveðin umhverfisvænn bóndi hér í sveit selur vistvæn matvæli en drullar svo í lækinn hjá sér! ujjjj...

Úldnir landsbyggðardraumar

Fyrir höfuðborgarbúa er álíka geldandi að flytja á landsbyggðina og að láta míga yfir sig í rigningu. Á landsbyggðinni verða draumar manna að hnetuskurn og ætti fólk að hugsa sig tvisvar um áður en það flytur úr höfuðborginni Reykjavík-City.

Þeir sem ættu að flytja á landsbyggðina:
* Fólk semur hefur gaman af því að velta sér upp úr hvað aðrir eru að gera. Sem sagt fólk sem á sér ekkert líf!
* Fólk sem vill láta grafa sig lifandi.
* Fólk sem finnst Bryjuís góður.
* Fólk sem vill fá að vita hvenær hver prumpar og hvar og helst af hverju.
* Fólk sem sér í gegnum rör og vill bara sjá í gegnum rör.
* Fólk sem finnst gáfulegra að eyða 10.000 kalli í bensín, "á rúntinum" en að fara á ærlegt fyllerý og sletta almennilega úr klaufunum.
* Fólk sem fýlar skítalykt og skít yfir höfuð.
* Fólk sem hefur gaman að baða sig upp úr sama vatninu í langan tíma.

Þeir sem ættu alls ekki að flytja á landsbyggðina:
* Athafnafólk með framtíðarsýn.
* Fólk sem vill ekki að aðrir fylgist með því hvenær, hvar eða af hverju það prumpar.
* Fólk sem hefur gaman að öðru fólki og kann að samgleðjast öðrum.
* Fólk sem vill getað notið menningu og kynnst öðru fólki.
* Fólk sem vill skemmta sér og fá sem mest út úr lífinu.
* Fólk sem hugsar um sig og sína fjölskyldu og hefur ekki tíma til að velta sér upp úr hvað Gunna og Jói í næsta húsi hafa það gott/slæmt!
* Fólk með frjókornaofnæmi.
* Fólk sem vill góðann skyndibita (KFC, American Style, Eldsmiðjupizzu, Mekongrétti)

Ég veit að Reykjavík hefur sína galla en trúið mér það er ekkert ömurlegra en að láta míga yfir sig í rigningu!!